فيسبوك يستقبل الجنزوري بالنكات اللاذعة
|
|
11/25/2011 8:56 am |
|
|
اثارت انباء تكليف الدكتور كمال الجنزوري بتشكيل الحكومة الجديدة موجة من الإنتقادات على مواقع التواصل الإجتماعي فيسبوك وتويتر.
وتباينت اراء اعضاء الموقعين حول تكليف الجنزوري بين من يرى انه ينتمي الى النظام القديم وبين من يرى انه يبلغ من العمر 77 عاما ولا يستطيع الوفاء بأعباء المسئولية. لكن الانتقادات في مجملها جاءت في صورة نكات لاذعة استهدفت الجنزوري ، ومنها:
أنا مطمــن للجنزورى ، على الاقل لما يروح مشوار او يدخل ينــام .. حيجنزر مصر فى اى عمود ععلشان متفكش
الثورة المصرية تسجل أول شهيد يموت من الضحك
مصر دلوقتى فيها كل حاجة منتهية الصلاحية .. بداية من قنابل الغاز .. وانتهاءاً برئيس الوزراء
شركة مايكروسوفت بتقول على موقعها ان الاقبال على شراء ويندوز 95 عالى جدا النهاردة فى مصر
الجنزورى رجل "شريف" ، ورجل "نظيف" ، وهو انسان "وطنى" ،وسيعيدنا لأيام ال "عز" وال "سرور" ، فهو حقا من "صفوت" الناس ..انه رجل "مبارك"
كمال الجنزورى رئيس للحكومه ... وعودة محمود الجوهري لتدريب المنتخب
بيقولوا ان مرتضى منصور ماسك على الناس كلها سي ديهات الا الجنزورى ماسك عليه فلوبى ديسك
بالنسبة للناس اللى رافضة الجنزورى , خلّى بالكو مش فاضل غير حسن شحاتة
