Develop your website with us

انا الناس كلها مش بتحبنى فى كل حته اروح الاقى الناس اللى بتعرف عليها تقولى انى رذل ورخم اوى وحتى فى النادى انا مساعد مدرب اسكواش فى نادى الجلاء الناس اللى المفروض اضربهم مش بيحبونى ولا بيحبوا يتضربوا معايا ولما رحت مصيف 10 ايام لقيت الناس بردوا بتقولى نفس الكلام حتى اختى الكبيره بدات تكرهنى اوى لغايه ملقيت واحده صحبتى فى النادى بتقولى انا هسعدك عشان الناس تحبك فى النادى وبرااه اتكسفت اوى منها واتخنقت معاها مع انى كنت محتاج للمساعده دى اوى مش عارف اعمل ايه انا تعبان من الموضوع ده نفسيا جدا ومش عارف اعمل ايه معلش انا طولت عليك لكن انا مش لاقى اى حد يساعدنى وعلى طول مش ليا اصحاب حتى فى المدرسة محمد سيد محمد 17 سنة ياااااااااااااه.. هو أنت تأثيرك للدرجة دي.. كل الناس شايفك بنفس الشكل.. ده أنت على كده عندك المادة الخام الميه ميه. شوف ياعم الرخـ.. قصدي ياعم الحلو الموضوع مش كبير للدرجة دي.. الحكاية كلها قبول ونفور.. يعني في ناس من أول ما تلمحها تبقاش طايقها.. مع أنك متعرفهاش خالص. يعني ملهاش دعوة بالكسوف ولا يحزنون.. خلص نفسك وشوف زميلتك دي كانت هتعمل إيه.. يمكن البركة تطلع على إيديها. جتكم الـ....... مليتو البلد

التقييم: 9    [ | ]

تعليقات

to mohamed

ياعني سيبك من الماده الخامه للرخامه وكل البتنجان دا
انا اعتقد ان انت اللي بسترخم نفسك فبتطلع الرخامه منك طازه وبنيو لوك
فالناس مش بطيقك واكتر
علشان تحل الموضوع دا انت مش محتاج لمساعد ه حد فيه
انت محتاج لنفسك
دور علي نفسك جوه نفسك
لما بتيجي تتكلم مع حد ويبقي ميه ميه معاك وفجأه تلاقيه بدا يغير وشه ويسترخمك
ارجع للنقطه دي شوف الناس بتبدا تسترخمك امتي وماتعملش كدا
ممكن يكون هزارك مش مقبول يبقي خلي شخصيتك جد شويه
ياعني من الاخر الحل في ايدك
وشكرا ,,

بواسطة: greatnaael بتاريخ: 11/12/2009 8:48 pm

تعرف يعنى ايه ابو العربى ؟؟؟؟؟؟؟؟؟

تعرف يعنى ايه ابو العربى اصلا وتعرف جت منين ؟؟؟ جاوب لو تعرف

وعيب الىى انتو بتعملو ده وفرحان بنفسك قووى وانته رخم يابرى لسه فى كده

بواسطة: mo7aman بتاريخ: 11/15/2009 3:51 am

تعرف يعنى ايه ابو العربى ؟؟؟؟؟؟؟؟؟

تعرف يعنى ايه ابو العربى اصلا وتعرف جت منين ؟؟؟ جاوب لو تعرف

وعيب الىى انتو بتعملو ده وفرحان بنفسك قووى وانته رخم يابرى لسه فى كده

بواسطة: mo7aman بتاريخ: 11/15/2009 3:51 am

غير المعاملة

يعنى انت شوف بتعاملهم ازاى وحاول تغير المعاملة وحل ابو العربى صح بص ممكن مينفعش

بواسطة: lord_mashy بتاريخ: 11/15/2009 2:49 pm

ايه ده بس

ايه اللي انت بتقوله ده للراجل ... المفروض انك تساعده مش تعقده بذيادة ... انت كدة عاوز تظهر بمظهر ابو دم خفيف و كل الناس تضحك هاهاهاهاها طب و بعدين فين حلك اللي قدمته للراجل ... انت نفسك عندك مشكلة و عاوز حد يساعدك يا دكتور ابو العربي

بواسطة: undo بتاريخ: 1/16/2010 5:43 pm

الى ابو العربى

ايه ده يا ابو العربى ده انت طلعت ارجم من الواد !!!!
يخرب بيت رخامتك الواد عاوزك تساعدة و بيقولك مشللاقى حد يساعدة !!!
حرام عليك يا اخى ده انت لو كنت قولتله معرفش كان ارحملك

شوف يا محمد فكك من ابوالعربى خالص ده بيترسم عليك علشان يضحك عليك الناس مش اكتر و انا اسف لكده اكييييد

اولا : كونك مش حاسس بالى انت بتعمله و مشواخد بالك ان انت بتضايق الناس منك ده المفروض انت تحس بيه الاول لازم تعرف الناس ايه بيضايقها منك وتبطله فورا

ثانيا : فى حديث عن الرسول صلى الله عليه و سلم بيقول التبسم فى وجه اخيك صدقة
حاول تقرب من الحديث ده اووووى

ثالثا : حاول تساعد الناس الى بهتم بمشاكل الناس " بدون فضولية" قلبه بيحن للأحسن اكيييد ... روح اشترك مثلا فى اعمال خيرية.. و شوف اهلك مثلا فى البيت عاوزين ايه و جبهالهم خليهم يعتمدوا عليك

رابعا : و ده مهم جدا جدا جدا ممنوع الهزار خالص بغض النظر انت بتعرف تهزر ولا لاء
خليك كده خفيف تبتسم فى وش الناس بس متطولش معاهم فى الكلام فى الهزار وخاصه الهزار بالأيد

خامسا : ودى بردوو فى غايه الاهمية حب ربنه و صلى له كتييير و اعرف ان الى ربنه بيحبه بيحبب فيه خلقه و دى خلاصه الكلام

و يا رب يوفقك يا رب و ابقى طمينا عليك يا معلم علطوووووول

سيف ابراهيم

بواسطة: saif06 بتاريخ: 3/1/2010 8:46 am