ستة اسباب عبيطة تجعلك تتزوج عرفيا

Goto page «Previous Page   1 2 3 4 5 6    Next Page»     
Previous · Next
الموضوع بواسطة

ستة أسباب عبيطة تجعلك تتزوج عرفيا

لأن الزواج حاليا اصبح موضوع في مكانه على رف رابع المستحيلات بجوار الصديق الوفي والعنقاء والغول

فالأكيد ان الكثيرين منا توصلوا في لحظة أرشميدسية

نسبة للعالم اليوناني أرشميدس عندما اكتشف قانون الطفو وهو (بيستحمى في البانيو) فصرخ وجدتها

إلى أن الجواز العرفي هو الحل..

والتكلفة محدودة جدا..

ورقة صغيرة منزوعة من كشكول المحاضرات

المليء أصلا بعبارات الحب والهيام وليس بمحاضرات الدكتور عبد المجيد أستاذ التطور الاقتصادى (ده استاذ عندنا ...يعنى ماتخدوش فى بالكم ) + علبتين كانز للصديقين هاني وهيثم اللذين سيكونان الشهود

احنا يا باشا ماشيين قانوني

 وكمان كيس شيتوس للصديقة نهى اللي هتطرقع زغرودة في قلب الجامعة عشان نبقى عملنا الإشهار

ولما حد يسألها بتزغرد ليه هتقول له أصل أنا نجحت في امتحانات نص السنة بالرغم إننا لسه في أول نوفمبر

 وكمان 30 جنيه  ثمن الغرفة الراقية اللي هتأجروها في أنظف فنادق شارع الجلاء عشان تقضوا فيها شهر العسل الذي لن يزيد عن يوم واحد فقط
بعدها ستكتشف البنت أن ما فعلته شيء شنيع جدا
هتصوت وهتلم عليك الناس

وستكون النهاية في القسم إن شاء الله
في السطور القادمة عرض لستة أسباب

عبيطة ولا مؤاخذة

يتخذها البعض ذريعة للزواج العرفي.. ولأنها أسباب عبيطة

فهي طبعا عبيطة
ولا إيه رأيكم


*******


الاستعجال
مافيش وقت خالص
الحياة قصيرة جدا يا جدعان
وهو أكثر الأسباب العبيطة شيوعا
تجد الولد والبنت عندما تسألهما ليه عملتم كده؟

ترد عليك البنت
بكل بجاحة ولا مؤاخذة : احنا عارفين إننا ممكن نتجوز بعد كام سنة
بس أنا مش بقدر أعيش يوم من غير ما أشوف سيد

وفي نفس الوقت ستجد سيد يقول لك في تناحة منقطعة النظير: أنا عارف إني ممكن أتجوز ست أبوها! في خلال سنتين
بس مش حرام نضيع السنين دي من عمرنا في الهوا.. يرضيك كده؟
هو طبعا يرضيني


لسبب بسيط جدا هو أن العلاقة بين الولد والبنت إذا لم تنضج على نار هادئة

فإنها ستكون نيئة


قد تجد أول قضمة منها في غاية الطعامة واللذاذة

لكن بعد كده هتحس إنك بتاكل في لحم رخيص بس مش بتاع إيناس الدغيدي
مالهوش أي طعم
بعد وقت قليل جدا هتلاقي نفسك بتدور على نوع تاني.. وطعم تاني
حكمة هذه القصة: الذي يأتي سريعا يضيع سريعا.. هذا عن الفلوس.. فما بالك بالبني آدم؟


*******


الأهل رافضين
بابا حالف يطلق ماما لو اتجوزت سيد
لو كنت إخصائيا اجتماعيا ستجد ست أبوها تبكي بحرقة وهي تعترف لك قائلة: والله يا أستاذ حسونة أنا ماكنتش عاوزة أعمل كده
إهئ إهئ


بس سيد جه واتقدم ليا
وبابا راسه والف سيف إني ماتجوزش سيد

ماله سيد؟
وحش سيد؟
ده حتى جتة وملو هدومه

بابا طرده من البيت ورفض حتى إنه يكمل كلامه معاه وحلف بالطلاق إن سيد مايدخلش بيتنا تاني.. ليه كل ده؟
ماله سيد؟
وحش سيد؟
ده حتى كسيب وبيتاجر في الـ
في الـ.. يعني بيتاجر وخلاص


قد يحن قلب الأستاذ حسونة ويرق لـست أبوها ويقتنع بمنطقها

لكن دعونا نسأل ماذا لو كان لدى والد ست أبوها أسباب مقنعة حقا؟
ماذا لو كان سيد فعلا غير مناسب لها، أو أن الوالد يعرف عنه ما لا تعرفه هي؟
حكمة هذه القصة: رأي الأهل في الأغلب -إن لم يكن دائما- يكون على صواب.. حتى اسألوا ست أبوها


*******


الظروف الاقتصادية
مافيش فلوس.. حتى اسألوا نجلا
كان سيد يجلس على قهوة احلى من الشرف مافيش

وهو يشد نفس من الجوزة ثم قال لصديقه اللدود عبده توكل: كح كح

تعرف يا عبده انا اتجوزت البت ست أبوها عرفي ليه؟

ما تقول لي ليه

ما تقول يا جدع ...!

آه نسيت إنك أخرس

أقول لك أنا ليه..

عشان مافيش فلوس..

هو احنا لاقيين نشرب الجوزة..
كح كح

لما نلاقي نجيب شبكة وعفش وشقة وكلام فارغ منه ده
وبعدين مش أنا لوحدي اللي باقول كده..

ده حتى الست المحترمة اللي اسمها نجلا غنت وقالت كده..

مش هي اللي قالت بح..
خلاص.. مافيش.. .شطبنا!.. أيوه هي كان قصدها على الفلوس.. مش مصدقني.. لأ.. أنا عارف هي قصدها على الفلوس مش أي حاجة تانية
حسنا.. يمكن ان نتعاطف مع سيد لو حاول أن يعمل وفشل.. لو وقف ضده العالم كله ووضعت لافتة سيد ممنوع من العمل في كل مكان يذهب إليه..

لو دققنا النظر..
سنجد سيد جتة وملو هدومه
وده كلام ست أبوها مش كلامنا
يعني ممكن لو سند بإيده على جدار يهده
صحة يعني..


طيب ليه يا سيد ماحاولتش تشتغل واكتفيت إنك تشغل نفسك وتشرب الشيشة وتتفرج على نجلا وخلاص
حكمة هذه القصة: شرب الشيشة.. ضار جدا بالصحة


*******


التقليــد
واشمعنى ست أبوها وسيد يعني
غريب جدا هذا السبب..
إذ تجد داليا سعيدة جدا وهي تمسك بيد أحمد بعد أن تزوجا عرفيا وهي تقول لك: كنا بنحب بعض..

ومش عارفين ممكن نقدر نتجوز امتى..

لغاية ما اتعرفنا على ست أبوها وسيد..
هم اللي قالوا لينا على الطريقة المفتكسة دي.. وماتكلفناش حاجة..

ممكن نبقى نقول لأهلنا بعدين..
عشان نحطهم قدام الأمر الواقع..
لما أكون خلفت ياسمين وشادي..
أنا ناوية أسميهم كده..
كنت فكرت أسميهم ست أبوها وسيد..
وبعدين لاقيت الاسمين دول فرافيري شوية
جميل..


هذا منطق خاطئ مائة بالمائة..
الأمر أشبه بتقليد الغرب في ملابسهم وسلوكياتهم دون أي فهم. ودون أي رجوع لعاداتنا وتقاليدنا.. ما يصلح لـزيد لا يصلح لـعبيد فما بالك إذا كان مايفعله زيد غلط أصلا.. هل تقلده في غلطه؟! سامعنا يا عبيد؟
حكمة هذه القصة: زيد يخطئ كثيرا.. حتى اسألوا عبيد


*******


التجــربة
ده الواحد لما بيشتري قميص جديد.. بيجربه
في الأغلب ستشعر أن سيد وست أبوها يعانيان من مرض شهير اسمه البلاهة منقطعة النظير..

وذلك عندما يقولان لك في ثقة احنا قلنا نجرب..

بدل ما نعمل حاجة في الحرام..

قلنا نتجوز عرفي..

لو اكتشفنا إن الجواز بينا حلو..

وإننا مرتاحين لبعض..
وإننا ممكن نكون أسعد زوجين في العالم..
أكيد أكيد.. هنعلن جوازنا..
وهنتجوز رسمي..

ياريت تفهمونا.. وبلاش رجعية
كل حاجة اليومين دول قابلة للتجريب..

والمفروض الجواز يكون أول الحاجات دي..
ده حتى الواحد لما بيشتري قميص جديد..
بيجربه


الأكيد إنك وقتها ستحتاج إلى أطنان من الثلج لتضعها على جسدك كله حتى تكون باردا وهادئا لكى تتكلم معهم وتقول لهم: جميل جدا.. لكنك عندما تجرب قميصا فإنك تفعل ذلك في المحل وأمام الزبائن وصاحب المحل..
فلا يمكن أن تسرق القميص وتجري به إلى غرفة البروفة لتجربه دون موافقة صاحب المحل..


ثم تعالوا
نتخيل رد الفعل إذا قطعت كم القميص وأنت تجربه..
مش إنت برضه اللي هتدفع تمنه..
فما بالك.. بقميص تقطع بالكامل وإنت بتجربه.. من يدفع الثمن؟
حكمة هذه القصة: لا تشترِ قمصانا من محل معروف بأنه يبيع ملابس مضروبة


*******


الحــب
عندما اراها بعيدة عني يذوب قلبي
ربما يكون هذا السبب هو أكثر الأسباب التي تبدو منطقية من وجهة نظر المقدمين على الزواج العرفي..

ستجد سيد ينظر إليك مسهما وهو يقول بحبها ياض!.. ده حتى خلتني اكتب فيها كلام بالفصحى..
فسح كده في القعدة..
واسمع.. عندما أراها بعيدة عني يذوب قلبي ويصبح... كحبة فيتامين سي عندما تضعها هي بأناملها الرقيقة في كوب من عصير القصب..آآآ.. من الماء!..
شفت الحب عمل فيا إيه


وستجد ست أبوها تقول لأختها الصغيرة وهي تغسل الأطباق بعد الغذاء وهي تتأمل في خيط المياه المتقطع الذي ينزل من الحنفية: تعرفي أنا بحب سيد موت..

ده خلاني اكتب عنه كلام بالفصحى..

حتى اسمعي.. عندما اراك يا سيد..
تتجمع ذرات قلبي التي ذابت كقرص فيتامين سي في كوب من الماء عندما ابتعدت عني

لتعود مرة أخرى وتسكن في صدري..

واشعر بطعم البرتقال الحقيقي الذي غاب عني كثيرا! شفتِ الحب عمل فيا إيه؟
بعد ذلك يقرر سيد وست أبوها الزواج العرفي..
لأنه كوب الماء الوحيد الذي يمكن أن يجمع بين قرصي فيتامين سي.. نقصد بين قلبيهما


جميل جدا..
لكن دعونا نسأل..
ماذا لو انكسر الكوب؟
بل ماذا لو تم وضع قرصي فيتامين سي في كوب من الماء المالح..
هل سيكون هناك طعم للبرتقال؟
حكمة هذه القصة: قرص فيتامين سي.. يعالج البرد.. لا الحب


*******

انا بقى عايز رايكم فى الموضوع ده الجواز العرفى اللى بقى موضه ياترى اسبابه ايه وطرق علاجه؟؟؟

 

 العمدة



3omdaman
  أعلى الصفحة
 

استمتعت كتير انا وعم بقرا قصص سي سيد مع الست ابوها بس سوري ما بقدر اعطي رأيي بشي انا ما بفهم فيه.

ممكن اسأل عن الفرق بين الزواج العادي والزواج العرفي ؟

وسوري انا من غير دين وما بعرف شو يعني الزواج العرفي بتمنى ما حدا يفهمني غلط انا سألت السؤال بقصد المعرفة  والعلم مش اكتر.



Doris
  أعلى الصفحة
 

الفرق بين الزواج العرفى والعادى

الزواج العرفى بكل بساطة: هو ان يكتب الرجل بينه وبين المرأة ورقة يقر فيها أنها زوجته ويقوم اثنان بالشهادة عليها وتكون من نسختين واحدة للرجل وواحدة للمرأة ويعطيها شيئا من المال او لا يعطيها وهذا النوع باطل لأنه يفتقد للولي ولقيامه على السرية وعدم الإعلان والتشهير اللى هو فى الاساس اهم اركان الزواج العادى

وبكده اهل الزوجين بيكونوا مش عارفين اى حاجة عن هذا الزواج

 



3omdaman
  أعلى الصفحة
 

تسلم ايدك على الموضوع هي فعلا ظاهرة بقت منتشرة كتير الايام دي والي بستغربله ان الكل بيتفق على انه زواج باطل وفاشل ومافيهوش اي حاجة صح ومع ذلك الشباب بيعملوه لييييه ؟؟؟ سبحان الله بقينا بوقت ما نقدرش نعمل حاجتين مع بعض يعني نفكر وننفذ بقت صعبة شوية وطبعا لا اعمم كلامي وربنا يهدينا جميعا ويبعدنا عن العرفي وامثاله


fatina
  أعلى الصفحة
 

تعملى ايه بقى يا فتينه

الشباب بقى ........!؟؟؟

فكر جديد



3omdaman
  أعلى الصفحة
 

شكرا" على المعلومات.

نحنا ما عنا هيك نوع من الزواج. بس عندنا صاحبة وصاحب بتشبه الزواج العرفي بس المصيبة انو الأهل بكونوا عارفين ومطنشين

هيدا اذا ما كانت الصاحبة او الصاحب اصلا" متزوج بس نفسو خضرا.....



Doris
  أعلى الصفحة
 

يعنى مافيش لا ورقة ولا حاجة خالص

صاحب وصاحبة بس

ونعم الاصحاب

والاهل عارفين بس مطنشين

ونعم الاهل

ههههههه مش عارف اقول ايه بس هو مايفرقش كتير عن الزواج العرفى

بس يمكن العرفى ارحم شوية لان اللى انتى بتحكى عنه ده يعتبر .......طبعا فاهمة قصدى

تحياتى



3omdaman
  أعلى الصفحة
 

السلام عليكم

اولا انتو وحشتونى جدا جدا جدا بس بصراحه المنتدى بعد الوك الجديد بقى غلس اوى بس مش مشكله

 

نيجى لعمدة حتتنا ازيك يا باشا عامل ايه يا هباب بيه قصدى يا ايهاب بيه ليك وحشه تخينه والله

انا بصراحه اتفجات لما دخلت ولقيت رجعت تكتب مواضيع تانى الموضوع لذيذ على فكرة بس يبا عم ملكش دعوه بسيد عشان دة تبعنا احنا للى مصلتينوا يتجوز عرفى هههههه والله انا شم عارفه اصلا الجواز العادى ملوش لزمه يبقى الجواز العرفى هو للى هيبقى له لزمه دى حاجة خيبه اوى على العموم مواضيعك كلها جامدة بس للاسف انت عارف وقتى مشحون جدا مش هلحق ارد عليهم كلهم

وموضوع لو الشاى مش مظبوط هتعمل ايه دة خطير عجبنى اوى على فكرة وقريب هدخل دخله ليك عشان ارد على الباقى يالا بقى عشان انت عارف انا شم بحب الرغى وعقبال ما نشوف وحشام ونادين وبقيت الناس الحلوين داخلين زيك كدة

نااااااااااااااااااااااااانسى



nado_hob
  أعلى الصفحة
 

ميت مرحبة بنور المنتدى ناااانسى

بالرغم من ان انا زعلان منك بس مش مشكلة مش وقته

المهم..... والله ياباشا ماكنت اعرف ان سيد بيه تبعكم خالص

وماكنتش اعرف ان معاليكم ورا الموضوع مافيش حد ادانى خبر

بس بسيطة انا هاقعد مع سيد واعرفه وجهة نظرى

وهاقدم لمعاليكم اعتذار رسمى لما بدر منا فى حق سيد

وعلى رايك لا عادى نافع ولا عرفى نافع

تصدقى بدأت اتعاطف مع سيد

 بالمرة .....حد هنا ياجماعة يعرف ست ابوها او هو اللى مسلطها تضحك على سيد

 مش مشكلة هانشوف الموضوع ده بعدين

سيبك بقى من الهزار ده نورتى موضوعك ياباشا

ومستني ردودك الجميلة يانادو

وربنا يوفقك فى الامتحانات

بس انا هاقلك على وصفة حلوة قوى انا شخصيا مجربها هيا بسيطة خالص هو دعاء تقوليه قبل الامتحان مباشرة وهتلاقى الحكاية ماشية معاكى اخر حلاوة  ده حتى نص الشباب والبنات بيستخدموه كحجاب بالخصوص طلبة علوم :

اللهم ابعد عيون المراقبين عني وقرب ورقة زميلي مني اللهم اني دخلت الإمتحان دون تحضير فالسؤال الاول كان عسير والثاني اصعب بكثير والثالث يحتاج الى تفكير والرابع لم اجد له حلا ولا تفسير اللهم انى خرجت من امتحان الكيمياء ستة من ستين اللهم ابعث ذبابة سوداء تبيض بيضة حمراء على يمين الستة فتنقلب إلى ستين لأصبح من المتفوقين يا أرحم الراحمين

حكمة اليوم: إذا رأيت طالب بعلوم نائم فلا توقظه بل دعه يحلم بالنجاح

نصيحة اليوم: إذا كنت طالب بعلوم وانهيت الإمتحان فإذهب إلى البيت وإستمع إلى ملهمش في الطيب------و اضحك للعلوم تضحك لك الدنيا

انا بس عايز اقول حاجة لكى فى الاخر انا مقتنع بيها

التقديرات والدرجات عندنا زى الرز .........بس ان حاولت تتعلم وتدور ع العلم..ان شاء الله مش هتاخد حاجه خالص

تحياتى ايهاب

ربنا يكرمك يا نانسى علشان نشرب الساقع 

 

 

 



3omdaman
  أعلى الصفحة
 

متل ما قلت  موضوع الصاحب والصاحبة بسموه .................... بس شو بدنا نعمل هيدا الموجود.

وما حدا بيقدر يمشي عكس التيار بس الأتكال على التربية الصالحة والاخلاق وروابط العيلة والصداقة بين الأم وبنتها وبين الأب وابنو يللي هي ممكن تشكل رادع لأي بنت او شب حتى ما يوقع بالغلط

اكتر شي فيك تعملو يا صديقي هو انك تفهم وتوعي ابنك او بنتك وتعلمهن يميزو بين الصح والخطأ ومن هونيك هن وشطارتهن.



Doris
  أعلى الصفحة
 
Goto page «Previous Page   1 2 3 4 5 6    Next Page»