Develop your website with us

السلام عليكم ورحمة الله وبركاته

اصدقاء ماشي .. تهديكم اسره ماشي اطيب الامنيات وتتمنى لكم وقت طيب وممتع دائماً معنا

فكره مسابقة جاوب واطرد

فكره مسابقة جاوب واطرد فكره بسيطه جدا .. كل المطلوب منك هو الاجابه بأسرع ما يمكنك على اي سؤال يقوم المشرف بطرحه في العام.. مع العلم بأن المشرف سوف يقوم بإحتساب اول اجابه تظهر لديه هو فقط .. في حالة ظهور اجابتك الاولى لدى المشرف سوف يقوم بابلاغك بانه يجب عليك اختيار اي متسابق من الموجودين في روم مسابقه جاوب واطرد لتقوم بطرده من المسابقه

قوانين مسابقه جاوب واطرد

1-      المسابقه عباره عن ان يقوم المشرف بطرح سؤال في العام ..لجميع المشاركين في روم مسابقه جاوب واطرد

2-      اسرع مشارك يقوم بالاجابه على السؤال اجابه كامله وواضحه

مثال : - السؤال : ما هو اقدم سد مائي في التاريخ ؟

الاجابه : سد مأرب في اليمن

في حاله كتابتك الاجابه  مثل : سد مارب في اليمن أو سد مارب لن تحتسب حتى وان كانت الاولى .. لن يُسمح بأي خطأ إملائي مهما كان

الاجابه على الاسئلة الدينية وعن الانبياء صلوات الله والسلام عليكم يجب ان تكون كامله

مثال : من هو النبي الذي مات في السماء الرابعه؟؟

الاجابه : سيدنا ادريس عليه السلام

في حاله كتابه اجابتك مثل : سيدنا ادريس .. او ادريس ..فقط لن تحتسب .. يجب ان تكون الاجابه مفصله لكونهم انبياء ويجب ان يكون لهم احترامهم الكامل والشامل

3-      الشات اللي احنا عليه فلاش .. مش معنى ان اجابتك بتظهر عندك اول اجابه يبقى انت الصح .. مش في كل الاحوال .. سوف تحتسب اول اجابه صحيحه وكامله تظهر عند المشرف القائم على المسابقه فقط

4-      يقوم المشارك الذي احتسبت اجابته باختيار واحد فقط من المشاركين في المسابقه ليتم طرده .. مع العلم بأن الاختيار بيكون في الخاص مع المشرف القائم على المسابقة فقط ..

5-      في حاله اختيارالمشارك لاي يوزر بالطرد في العام .. او التلميح فقط لشخصيه اختياره .. سوف يتم طرده هو وليس من تم اختياره

6-      يتم اختيار الناس اللي مش بتشارك معانا ويكون جمبها ايدل .. وياريت نركز شويه لان في ناس بتلمس الكي بورد بس عشان ميظهرش جمبها انها مش بتشارك يعني نركز على العام مين بيجاوب ومين مش بيجاوب

وعشان نزيد المسابقه اثاره ومتعه

نفرض ان المشارك محمد جاوب اجابه صحيحه وكامله

ودخلت لمحمد خاص وطلبت منه اسم مشارك تاني عشان يطرد من المسابقه

ومحمد اختار  المشارك احمد عشان ينطرد

هكلم احمد في العام ( والكلام في العام هيكون بيني وبين احمد بس – اي كلام في العام من قبل اي مشارك غير احمد بيتم حرمانه من المسابقه بطرده منها) هقول لاحمد ان محمد اختاره ينطرد

وهدي له خمس ثواني يفكر فيهم

يخرج لوحده ،، او ينطرد

وفي خلال الخمس ثواني دول بيحدد قراره النهائي

لو اختار انه يخرج لوحده بيحصل الاتي

بيقولي انه هيخرج ويقولي هيروح اي روم في الشات ،، ويخرج بعد ذكر الروم اللي هيروح فيها على طول

في الحاله دي هيتم طرد محمد اللي هو اختار احمد لان احمد خرج لوحده من الروم

ويعود احمد للروم من جديد

في حاله اصرار احمد على انه ميخرجش من الروم وبعد الخمس ثواني وقراره انه قاعد في الروم

بيتم طرده من الروم وطبعا بيفضل محمد معانا

ملحوظه : مش بالضروري اكلم اللي اختاره محمد للطرد .. لا .. هو اختار احمد بس انا ممكن اكلم اي واحد تاني .. يعني ممكن اكلم خالد مثلا واقوله تخرج ولا اساعدك .. وخالد لو خرج من الروم بمزاجه مش هيرجع ليها تاني لاي سبب

بكل الاحوال ..صدقني ومتصدقنيش .. ولا تعطيني الامان داخل روم مسابقه جاوب واطرد

7-      يحصل الفائز في المسابقه على لون مميز لمده 48 ساعه

قوانين مسابقه جاوب واطرد

يحرم من المسابقه كل من يقوم بعمل الاتي

1-      اثناء طرح الشروط يمنع أي كلام في العام عشان الكل يشوف النظام ومحدش يقول مشوفتش لأن في ناس بتشارك اول مره ولازم تفهم ايه نظام المسابقه

2-      الكتابه باللون الاحمر نهائي  اثناء المسابقه

3-      أي نقاش على العام  عند بدايه المسابقه روم مسابقه جاوب واطرد مخصصه للمسابقه فقط وليست للتعارف او مناقشه أي موضوع آخر

4-      التعارض مع الاجابات التي يتم احتسابها صحيحه من قبلي اثناء المسابقه .. ويتم النقاش فيها بعد نهايه المسابقه

5-      يجب الالتزام بقوانين دردشه ماشي اثناء المسابقه

6-      صديق ( ماشي ) تذكر انها في الأول والأخير انها مجرد لعبه ولن يفوز إلا متسابق واحد فقط

7-        مجرد وجودك في الروم معانا بيعتبر موافقه منك على كل شروطها ويجب عليك الالتزام بها كليآ وليس جزئيآ

8-      المسابقه منظمه لكم لتقضيه وقت ممتع ومفيد وظريف .. رجاء الالتزام بقوانينها حتى يتم تنظيمها بصوره منتظمه ومشرفه

9-      اجمل الامنيات بقضاء وقت طيب وممتع معنا وانتظرو منا المزيد

إن المناصب لا تدوم لواحد .. إن كُنت تنكر ذلك فأين الأول ... فأغرس من العمل الجميل فضائلاً .. فإذا عُزلت فإنها لا تُعزل