توجهت من باب المطار مباشرة إلي اقرب تاكسي متجاهلة واقع ان طائرتي اللتي تتبع شركة الخطوط الجوية "اللي مغرقة الدنيا إعلانات" تأخرت عن الوصول في موعدها حوالي ساعتين فذلك لم يكن يهمني بقدر العودة إلي دفء المنزل و رؤية وجه امي و هي تستقبلني. و في الطريق كما تجاهلت تأخر الطائرة عن موعدها تجاهلت ايضا الزحمة و الضجيج و كلما دخلنا في قلب العاصمة تأكدت اكثر ان الكباري و عساكر الشرطة خلقوا (بضم الخاء) لترسيخ فكرة التكدس المروري في مصر و التاكيد علي عدم تغيير شكل الشارع المصري.و بعد رحلة شعرت لوهلة انها كانت اطول من المدة التي استغرقتها الطائرة لتوصلني من الدولة الخليجية الشقيقة لبلدي الحبيبة وصلت اخيرا إلي المنزل.

جريت علي امي و شعرت فجاة ان هموم الدنيا كلها انزاحت من علي كتفي و اني علي استعداد للعودة ثانية للزحام و الضجيج في مقابل ان اشعر بتلك الراحة كل يوم - و لكن بعد تفكير ثانٍ رأيت ان خوض تجربة الشوارع المصرية مرة اخري تستحق ثمن اكبر من هذا !-قبلت يدي امي و بعد ساعة من الكلمات و الاحضان و البكاء لاحظت ان والدتي ترتدي ملابس سوداء كاملة فنظرت حولي في الصالة داعية الله بكل قلبي الا اجد صورة مؤطرة بشريط اسود لوالدي و حمدت الله علي عدم وجودها و لكني عدت لأسأل امي : ايه يا ماما مالك لابسة اسود كدة ليه

ردت امي و قد اكتسي وجهها بعلامات الاسي: متفكرينيش و النبي يا بنتي......الله يرحمك يا حسين ياخويا

رددت بدهشة: حسين..عمي........مات.....طب ازاي طيب امتي؟!؟

فردت: الله يرحمة...كان مسافر لبيت الله يا رب انتقم منهم! العبارة اللي كان مسافر عليها غرقت

و لم تكمل امي فارتمت علي المقعد المجاور و انا اواسيها

انا: طيب خلاص بقي يا ماما انا هروح دلوقتي اهو لاحمد و وائل اعزيهم

انفجرت امي في البكاء صائحة: ماهم رااااحوا في الجنة ان شاء الله يا ولادي!!!! يا رب

انا و قد تهاويت علي مقعدي من اثر الصدمة: يا ساتر يا رب هما كمان اية اللي جرالهوم؟

ردت امي :الله يرحمكم يا ولادي انتي عرفاهم بيحبوا الخروج و السهر راحوا هما و صحابهم يسهروا في الحسين لقينا واحد متصل يقلنا ولادكوا راحوا في تفجيرات ارهابية....!؟

انا بعد فترة من الذهول و عدم التصديق: طب انا هروح اطمن علي عمامي ال 2 اللي فاضلين يا ماما دي صلة رحم و انا مبقتش ضامنة اشوفهم تاني

فردت امي و قد علا صوت نحيبها اكثر فأكثر: عمك طاهر الله يرحمة يا رب كان رايح يا عيني شغلة كالعادة و انتي عارفاة بيشتغل في مجلس الشوري .....اتحرق المجلس و عقبال ما لحقوة كان في ناس ياما ماتوا!؟!؟!؟

ولا عمتك هدي الله يرحمها( و ارتفع صوت نحيبها اعلي) انتي عارفة بنتها منة بتحب اتمثيل راحت يا عيني تقدم عرض ليها علي المسرح و عمتك راحت معاها خشبة المسرح وقعت و اتسببت في حريقة و راحوا الاتنين يا بنتي!1؟

و في اثناء بكاء و عويل امي نظرت إلي المسئول المعروف و هو يتكلم علي شاشاة صغيرة من خلال إحدي الفضائيات و لم استطع منع نفسي من تخيل حديثة" هو صحيح البنزين غلي... و الاسعار بترتفع في وقت كل العالم فية اسعارة بتنزل... و صحيح نظام التعليم محتاج "عَمرة" و منقدرش ننكر ان جزء كبير من مواطنينا تحت خط لفقر بس يا جماعة انا احب اطمنكوا منيو الخمسة لسة بخمسة!!!!!!!!!!!!!!!؟؟؟

لا اعلم لما فكرت بهذا اهو رثاء علي حالنا ام ان "نفسي هفتني " علي وجبة من ماكدونالدز .... افقت من غيبوبتي لالتفت لأمي قائلة: يا ماما احنا كدا لازم نجيب مها بنت عمو طاهر تعيش معانا دي مبقلهاش غيرنا

فانفجرت امي قائلة : يااا ريت ينفع يا ريت يا بنتي

اتسعت عيناي اكثر من الدهشة : حصلها اية هي كمان

امي: اهي قاعدة في بيتهم مش عاوزة تخرج ولا تكلم حد ولا تاكل ولا تشرب روحيلها يا بنتي شوفي فيها اية

اتجهت الي لباب غير مقتنعة بأن اول يوم لي في بلدي سيكون بهذة الصورة محاولة إيهام نفسي ان هذا مجرد كابوس طويل و بعد معركة ثانية في شوارع مصر وصلت لبيت عمي و بعد وقت طويل من ال"ترزيع علي الباب" فتحت لي مها بعينان خاويتان من اي معني متآكلتان من البكاء

انا: مالك بقي يا مها انتي مش مؤمنة ولا اية دا قضاء ربنا و قدرة منقدرش نعترض

مها بعد صمت طويل: انا مبقتش عاوزة اعيش خلاص و اعيش لمين...؟انا مش زعلانة عشان ابويا اللي كان فاضلي اتوفي.....هو في حد بيزعل من "ماس كهربائي!" ولا زعلانة عشان عمي حسين مات في العبارة " من قتل يُقتل و لو بعد حين" ولا زعلانة عشان منة و عمتي....نعتبرهم شهداء حريق!!!! انا بس زعلانة عشان انا مش عارفة اعيش.....هعيش ازاي و بإية و لمين....حتي عصام...راح

تسارعت إلي ذهني اسئلة كثيرة لم يلتقط لساني منها سوي " عصام مين؟ و راح فين دا كمان؟

مها : عصام ده كان زميلي في الجامعة و هو عايش لوحدة هنا و اهلة عايشين في الدويقة و هو راي يزورهم في مرة... وقعت صخرة علي الدويقة كلها و اول خبر سمعتة عنة بعد كدة ان هو و اهلة من الجثث اللي لقوها تحت الانقاض !!!!!!!!؟

توقفت لمدة ليست قصيرة لإفراغ حمولة عينيها من دموع و لم اعترضها ثم اكملت بصوت مبحوح: اعيش ازاي....اشرب مية ملوثة.....ولا اكل لحمة مرعوبة انها تكون مخلوطة بلحمة خنازير و يجيلي انفلونزا خنازير..... ولا اكل عيش بدقيق بيسرقوة اصحاب الافران المستغلين و لو موجود بيكون من قمح فاسد!!!! ولا اكل فرخة و يطلع فيها انفلونزا طيور, ولا اكل خضار و فاكهة مرويين بمية صرف صحي.....ولا اجيب تمن كل دة منين و اصلا معاش ابويا عشان اصرفة بعد الروتين و الاختام و الموظفين هاخدلي سنة و انا بكمل تعليمي من دلوقتي و انا عارفة اني هاخد الشهادة اعلقها في الصالون و ازود العاطلين واحدة؟؟؟

سمعت كلام مها في دهشة و قبلت راسها و فررت عودة إلي منزلي .... قبلت يدا امي و رأسها و هرعت إلي غرفتي و اخذت حقيبتي التي لم تكد تلامس "تراب" الوطن و ودعت امي مصرة علي الرحيل., كانت رحلتي الثالثة و الاخيرة في شوارع المحروسة و لم يمر بخاطري كم سأنتظر إلي ان اجد طائرة تعيدني للخليج ولا اهمتني تلك النظرة التي سأتلقاها من موظفة الاستقبال و انا اقول لها " عاوزة طيارة سفر لل"...." دلوقتي حالا علي اي درجة و باي تمن!!!! بالتأكيد ستظنني مجنونة و لكن حينها سيكون امامي اختيار ان اتبع خطي اخواتي و اهاجر عوماً!!!!!!!! كل ما جاء في بالي هو ترديد كلما عمار يا مصر طوال الطريق

ARMAAAAA thnx ya amar 4 passing by :)

aiwa bs mynf3sh n2ol e7na kda el7dl. 3ashan fi aw7sh mnna el mafrod el ensan y2es nafso 3la el a7sn msh el aw7sh w lw 3awzen nstash-hed b ayat aw a7adeth f el awla enna n2ol "إن الله يحب إذا عمل احدكم عملا ان يتقنة"ya3ni lw kol wa7d sab  fkrt en ana kwis laen fi 3'ery msh by3ml asln yb2a m7dsh hyt2dm wana msh ba2ol en masr w7sha bs mafesh dawla bt3esh 3ala madeha wel 7adara w 700 sana w msh m3na en rbna sob7anaho w t3ala zkrha fel qur2an enha ma3osma mn el mashakel laken el 3'alat ely bgd enna nkon shayfen mashakel w n2ol a7sn mn 3'erna . w again thnx 4 passing by

la2 ymkn enty 5adt kalamy eno kda bs hwa fel awl w fl a5er نقد  mesh  نقض  ya3ni msh asdi eny a2ol en kol 7aga w7sha w fnfs l w2t sa3at bt7sl 7agat t5rg el wa7ed 3an sho3oro w mfesh 7ad msh by7b balado b kol l w7sh ely feha abl el 7lw w 3la fkra ana brdo masreya awiiiii w ymkn hwa dh ely 5lany aktb l mwdo3 dh la2en ely by7b 7aga byb2a 3ayzha kwisa awi w msh htb2a kwisa we7na sakten mstnyen rbna yb3tlna malayka mn l sama tsl7 l 3'lt

ناخد من كل رجلا قبيله