| Previous · Next | |
| الموضوع | بواسطة |
|
اضيف في: 6/13/2009 3:00 pm · الموضوع: Re: ماضى الفتاه هل يهمك ؟؟؟؟؟
ماضى الفتاة لا يهم لكل انسان اخطائه مهما كان و لماذا نحن الشباب نسمح لانفسنا ان نخطىء لا نحاسب فى حين نحاسب الفتاة على نفس الاخطاء فمن الافضل ان لااعرف ماضى الفتاة التى سوف ارتبط بها و من الافضل للفتاة ان لا تبوح بكل شىء عن ماضيها الى من تحب فبعض الشباب قد يغفر و لكنه لا ينسى و لا ننسى امر الله الطيبين للطيبات المهم اخلاص الفتاة لمن تتزوجه و تحمل اسمه boyred |
boyred
|
| أعلى الصفحة | |
|
اضيف في: 6/13/2009 3:01 pm · الموضوع: Re: ماضى الفتاه هل يهمك ؟؟؟؟؟
ماضى الفتاة لا يهم لكل انسان اخطائه مهما كان و لماذا نحن الشباب نسمح لانفسنا ان نخطىء لا نحاسب فى حين نحاسب الفتاة على نفس الاخطاء فمن الافضل ان لااعرف ماضى الفتاة التى سوف ارتبط بها و من الافضل للفتاة ان لا تبوح بكل شىء عن ماضيها الى من تحب فبعض الشباب قد يغفر و لكنه لا ينسى و لا ننسى امر الله الطيبين للطيبات المهم اخلاص الفتاة لمن تتزوجه و تحمل اسمه boyred |
boyred
|
| أعلى الصفحة | |
|
اضيف في: 9/7/2009 7:42 am · الموضوع: Re: ماضى الفتاه هل يهمك ؟؟؟؟؟
هههههههههههههههههههههههههههه كلام جميل اوى بس انا احب اعقم على نقطتين هههههههههههههههههههههههههههههههههههههههههههه انا من رأيى ان الماضى مش مهم وزى ما كله اجمع اكيد مش هحط فى بالى ماضيها انا يهمنى انها دلوقتى بتحبنى انا مش مهم ال فات بقا وبعدين الى يهتم بالى فات ده يبقا واحد بيتلكك وبس يلا مع السلام عليكم اروح اشوف العيش التوست والزتون كلاتاتة |
!~GhOsT LoVe~!
|
| أعلى الصفحة | |
|
اضيف في: 9/27/2009 6:01 am · الموضوع: Re: ماضى الفتاه هل يهمك ؟؟؟؟؟
متل ماقلتي الرجل الشرقي بضل شرقي وهو بهل الوقت عم يتخبا ورا كلمات اانا ماني هيك ومابفكر بهل الطريقة وانا غير كل الشباب بس ياخسارة هي بتكون بس كلمات منشان يوقع البنت احسن شي البنت ماتحكي اي شي عن ماضيها لانو رح يجي اليوم ويذكرها وكانو هو شريف مكة اي هو بيكون مقضا لمصدا بس هيد المجتمع الي عايشين فيه مع الاسف مجنمع بالي الناس ببتطور ونحنا بعد عم نحكي انو البنت والبنتحاجتنا تخلف بقا
|
sellen2
|
| أعلى الصفحة | |
|
اضيف في: 9/28/2009 11:54 am · الموضوع: Re: ماضى الفتاه هل يهمك ؟؟؟؟؟
السلام عليكم
وانا سجلت حالا مخصوص عشان عندى مشكله فى الموضوع ده بالذات واتمنى انكم تفيدونى لآنى تعبت بجد من كتر التفكير انا ارتبطت بأنسانه اتعرفت عليها من خلال عملى باحد البنوك وكانت بتتدرب عندنا فترة واتعرفنا وحبينا بعض وهى على فكرة لسه طالبه فى الجامعه وفاضلها اخر سنه المهم كانت بتتعامل مع الكل فى البنك وتتكلم مع الكل بطريقه عاديه ولما انا كلمتها بأنى مبحبش البنت اللى بتتكلم مع كل الناس قالتلى لو فيه حد انت مش عايزنى حتى اقوله صباح الخير مش هقوله مش مجرد الكلام بس وهى بتحبنى جدا وعبرتلى كتير عن مشاعرها لدرجه انى فرخت بالحب ده جدا لآنى عرفت بنات كتير ومفيش واحده فيهم حبتنى بالدرجه دى وده خلانى متمسك بيها جدا واتفقنا على الأرتباط وكانت بتنفذ اى ملحوظة اقولها لها لحد ما مسكت فى مرة ايديها سابت ايديها فى ايدى شويه وبعدين سحبتها وقالتلى على فكرة دى اول مرى تحصل ومحصلتش غير معاك انت بس وفى مرة سألتها انتى ارتبطتى قبل ما تعرفينى بحد ؟؟ قالتلى هبقى كدابه لو قلتلك لا .. وقالتلى انها ارتبطت اربع مرات قبل كده بقصص حب واحدة مع ابن الجيران وواحده مع زميل فى الكليه والأتنين التانيين مع شابين كانوا ناويين يتقدموا ليها وان قصتين من قصص الحب دى انتهوا بجرح لآنها اكتشفت ان اللى بتحبهم بيعرفوا بنات عليها قلتلها انا كمان عرفت بنات قبلك وكنت فاسخ لسه خطوبه قبل ما اعرفك بأربع شهور وعديت الموضوع على كده وفضلنا نحلم باليوم اللى نرتبط فيه وهى حكت لآهلها عنى وانى عايز ارتبط بيها وانا كمان حكيت لآهلى عنها و سألنا عليهم عن طريق غير مباشر عرفنا انهم ناس كويسين وهى حكتلى ان والدها شديد عليها ومش جايبلها حتى موبايل ومش كل يوم بتنزل الكليه وقالتلى انها مش مصاحبه غير واحده بس فى الكليه واللى ارتبطت بيه قبل كده فى الجامعه عرفته عن طريق واحده زميله لكن حاليا ملهاش غير وميله واحده ومتعرفش اى شباب فى الكليه وانا مش بشوفها حاليا بعد ما تدريبها فى البنك خلص ومش بتصل بيها فى البيت لكن بستنى لما هى تحط الخط اللى اشترته ليا فى موبايل والدتها بمعرفتها عشان تكلمنى غير كده مبعرفش اكلمها بس امبارح فتحت معاها تانى موضوع الماضى وقلتلها عايزك تحكيلى كل التفاصيل اللى كانت فيه مهما كانت تافهه عشان ابقى على علم بيها وانا كمان هحكيلك كل اللى انتى عايزاه عنى
سألتها خرجتى مع اى حد فيهم قبل كده وكام مرة قالتلى اه حصل مع اتنين بس منهم ومخرجوش كتير يمكن خمس مرات بس سأتها كنتوا بتروحوا فين ؟ قالتلى كنا بنقعد فى اى مكان عام كوفى شوب أو سينما قلتلها يعنى محدش حاول منهم يمسك ايديك قالتلى لا طبعا حاولوا بس كانت بتصدهم قلتلها مهو انتى مصديتنيش قالتلى عشان انت انسان محترم وانا بحبك جدا بجد وانت بتتميز عنهم كلهم بالرجولة وانك مستحيل هتعمل حاجه تضرنى معاك بحس بالأمان المهم سألتها كنتوا بتخرجوا لوحدكم ولا معاكم حد قالتلى مرتين بس اللى خرجنا لوحدنا وكانت والدتها بتبقى عارفه بكل خروجاتها مع الأولاد دول انا منكرش انى اتصدمت لما صارحتنى بكل ده وانجرحت جدا بس فى نفس الوقت كان ممكن تخبى عليا كل ده ومتقولوش أو كان ممكن تعمل بنصيحه والدتها لما قالتلى ان والدتها قالتلها متحكيش كل حاجه حصلت فى حياتك طالما فاتت ومفيهاش حاجه تعيبك لكن هى معملتش بنصيحه والدتها وحكتلى كل حاجه .. وياريتها ما حكتلى لآنى من ساعتها وانا تايه رغم انى قلتلها ان حسابنا يبدأ من اول ما عرفنا بعض وان هى اكدتلى ان كل قصص الماضى انتهت تماما وانها بتتمنى التراب اللى بمشى عليه انا من امبارح والشيطان راكب دماغى والوساوس شغاله ياترى هى عرفت اربع شباب بس ولا عرفت اكتر !! وهل فعلا زى ما قالتلى محدش فيهم مسك ايدها ؟ وهل ممكن يكون حد عمل اكتر من مسكه الأيد ؟ وهل اسيبها عشان كانت صريحه معايا مع انها كان ممكن تنكر ومتقولش حاجه وانا كان ممكن معرفش ابدا ؟؟ انا فى حيرة كبيرة جدا وخصوصا ان ده موضوع ارتباط ومش عارف اكمل معاها ولا لا وصليت استخارة لربنا عشان يريحنى هى بتحبنى جدا وانا كمان بحبها بس خايف من المستقبل خايف من شبح الماضى وهل لو نسيته وسلمتها لله .. هل ممكن بعد الزواج اندم ؟؟ اسف عشان طولت عليكم وارجوكم ساعدونى لآنى بجد تعبت ارجوكم ساعدونى برأيكم |
EL naser
|
| أعلى الصفحة | |
